I musu luku bunu un soni joo tei u mbei piizii

Faandi mbei u musu luku bunu un soni woo tei u mbei piizii? U di te woo suku wan fëlön u luku, wan poku u haika, te woo go a wan website, te woo lesi wan buku, nasö te woo pëë wan game, nöö tei u ta tei wan soni di u kë taa musu dë a u pakisei. Dee soni dee woo du u mbei piizii, o mbei u du bunu soni nasö soni di an bunu. A tjali taa gaansë u dee soni dee sëmbë ta tei u mbei piizii a di ten aki ta abi soni di an ta kai ku Jehovah (Ps 11:5; Ga 5:19-21). Fëën mbei di Bëibel ta piki u fuu ta buta pakisei nöömö a soni di ta tja gafa ko da Jehovah.​—Fp 4:8.

LUKU DI FËLÖN UN SONI MI SA TEI U MBEI PIIZII? BAKA DI DË, NÖÖ PIKI DEE HAKISI AKI:

• 

  Unfa dee pëë di dee Loomë sëmbë fu awooten bi ta pëë, dë kuma dee piizii di sëmbë ta mbei a di ten aki?

• 

  Unfa dee sëmbë u di kemeente sa heepi dee njönkuwan u tei bunu soni u mbei piizii?

• 

  Unfa Loomë 12:9 sa heepi u fuu sabi un soni u musu tei u mbei piizii?

• 

  Un bunu soni dë a di pisiwata fii di i sa tei u mbei piizii?