„Hii sëmbë a goonliba bi ta fan di wan seei töngö”

11:1-4, 6-9

Jehovah bi paaja dee taangajesi sëmbë a Babel, u di a bi buuja di töngö u de. A di ten aki a ta tja wan gaan kulupu u sëmbë u hii pei nasiön ko a wan, dee ta fan peipei töngö, nöö a ta mbei de ta fan wan „soifi töngö” sö taa ’hii de tuu sa kai di në fëën, u de sa dini ën makandi’ (Sef 3:9; Ako 7:9). Di „soifi töngö” da di tuutuu lei u Jehovah, ku dee soni dee a abi a pakisei u du kumafa a sikifi a di Wöutu fëën.

A ta tei möön ten u lei wan njunjun töngö, möön di lei di joo lei wantu wöutu u sabi a hedi. Di soni aki kë taki taa joo lei wan njunjun fasi u pakisei, söseei joo lei wan njunjun fasi u du soni. Sö nöö te u ta lei soni u di töngö u di tuutuu lei, nöö di pakisei fuu ta tooka (Lo 12:2). Te u ta du di soni aki nöömö, nöö a ta heepi u fuu ta libi makandi kuma wan famii.​—1Ko 1:10.