A dee könklësi dee u ta hoi hiniwan jaa u ta feni di okasi u lei taa u lobi wotowan

Faandi mbei u ta piizii gaanfa sö a dee könklësi fuu? A dee könklësi fuu u ta feni di okasi u ta dë makandi ku höndöhöndö nasö dusudusu baaa ku sisa fuu, leti kumafa a bi dë da dee Isaëli sëmbë na awooten. U lobi dee soni di de ta lei u a dee könklësi fuu. Nöö u ta wai seei u dë makandi ku dee mati fuu ku dee famii fuu. U di u ta tei dee könklësi fuu u bigi, mbei u ta mbei hii möiti u ta dë hii dee dii daka tuu.

Te u ta feni di okasi u dë makandi ku dee baaa ku dee sisa fuu, nöö wa ta pakisei dee wini dee u ta feni nöö, ma u ta pakisei tu unfa u sa lei taa u lobi wotowan (Ga 6:10; Heb 10:24, 25). Te u ta tei baaa ku sisa ku wai a wosu, nasö te u ta hoi dee sindo kamian nöö dee u abi fanöudu, nöö u ta lei taa u ta suku di bunu u wotowan tu (Fp 2:3, 4). A dee könklësi u ta feni njunjun mati. Ufö di könklësi bigi ku te a kaba, nasö te di böö juu dou, nöö u sa ta tei dee okasi dë u go fan ku woto baaa ku sisa u lei ko sabi de (2Ko 6:13). Dee mati dee u ta feni a dee könklësi fuu sa dë u nöömö! Boiti di dë, te sëmbë si unfa u lobi useei tuutuu, nöö de sa kë ko dini Jehovah makandi kuu.​—Jo 13:35.

LUKU DI FËLÖN „LOBI AN O KABA A MUNDU MÖÖNSÖ”! DEE GAAN KÖNKLËSI DEE TA HOI A PEIPEI KÖNDË, NÖÖ BAKA DI DË, PIKI DEE HAKISI AKI:

• 

  Unfa dee baaa ku dee sisa dee bi go a dee gaan könklësi dee bi hoi a peipei köndë a di jaa 2019, bi fii di lobi u baaa ku sisa?

• 

  Faandi mbei di libi di dee sëmbë u Jehovah ta libi kuma wan famii, ku di lobi di de lobi deseei dë sö wan apaiti soni?

• 

  Andi da dee soni dee nama ku di lobi di Keesitu sëmbë lobi deseei, di dee baaa u di Tii Kulupu bi taki u de?

• 

  Unfa dee baaa ku dee sisa fu Alumaköndë ku Zuid-Kolea bi lei taa de lobi deseei tuutuu?

• Andi u musu dë kabakaba u du?