U ta da Gadu ku Keesitu tangi u di de o mbei u ko fii a di ten di ta ko

Ku andi i ta booko i hedi hiniwan daka? I dë wan hedima u wan wosudendu, di abi hia faantiwöutu ö? I dë wan mama di an abi manu nasö wan tata di an abi mujëë di ta mbei hii möiti u sölugu di wosudendu fii ö? I dë wan njönkuwan di dee woto pei fii a siköö ta mbei fa u? I dë wan sëmbë di gösöntu fii nango a baka u, nasö i ko gaandi kaa u? Hii sëmbë abi hën bookohedi. Sömëni Keesitu sëmbë abi peipei bookohedi. Ma u sabi taa abitimöön Jehovah o mbei u ko fii u hii dee bookohedi aki.​—2Ko 4:16-18.

Ma hii fa u abi dee bookohedi aki jeti, tökuseei u ta feni kötöhati nöunöu kaa u di u sabi taa Jehovah ta fusutan andi ta miti u, nöö a ta tei ën u bigi taa u ta hoi dou, nöö a o mbei u feni gaan bunu seei a di ten di ta ko (Jel 29:11, 12). Jesosi seei ta booko hën hedi ku u. Te u ta hoi useei a di buka di u mbei ku Jehovah, nöö u sa dë seiki u di soni aki di Jesosi bi taki: „Mi o dë ku unu” (Mt 28:20). Te u ta sindo pakisei di fii di di Könuköndë u Gadu o mbei u ko fii, nöö di soni dë ta taanga di biibi fuu, söseei a ta heepi u fuu sa hoi dou aluwasi un tesi ta miti u nöunöu.​—Lo 8:19-21.

LUKU DI FËLÖN I MUSU TA BUTA PAKISEI A JESOSI FA DI GAAN VENTU TA KO AKI!​—DEE GAAN BUNU DI DI KÖNUNKÖNDË O MBEI U FENI, NÖÖ BAKA DI DË, PIKI DEE HAKISI AKI:

• Unfa a du ko taa libisëmbë ku Gadu an bi dë mati möön, nöö un hogi di soni dë tja ko?

• Un bunu soni dee sëmbë dee ta hoi deseei a Jehovah o feni?

• Unfa a du ko taa woo feni sö wan bunu libi a di ten di ta ko?

• Undi u dee gaan bunu dee woo feni a di njunjun goonliba i ta wakiti u feni?