DI LIBI FUU KUMA KEESITU SËMBË

Dii fasi fa u sa lei taa u ta futoou Jehovah

Dafiti bi wini Goliati u di a bi ta futoou taa Jehovah bi o heepi ën (1Sa 17:45). Jehovah dë kabakaba u wooko ku di kaakiti fëën u heepi dee dinima fëën (2Klo 16:9). Unfa u sa buta futoou a Jehovah taa a o heepi u ka fuu buta futoou a di fuu seei köni? Luku dii fasi fa u sa du ën:

I musu abi di guwenti u ta begi. Ja musu ta begi nöö u hakisi paadon baka te i mbei wan föutu, ma i musu ta begi tu u Jehovah heepi i te i kë du wan soni di an bunu (Mt 6:12, 13). Ja musu begi nöö u Jehovah mbei soni waka bunu da i baka te i du wan soni kaa, ma i musu begi Jehovah faa tii i, söseei faa da i köni ufö i du wan soni.—Jak 1:5
I musu abi di guwenti u ta lesi di Bëibel, söseei u ta lei soni nëën. I musu ta lesi di Bëibel hiniwan daka (Ps 1:2). I musu ta pakisei fundu u dee woto dee sikifi a Bëibel, söseei i musu ta du dee soni dee i lei a dee woto dë (Jak 1:23-25). I musu ta seeka iseei da di peleikiwooko, ka fii ta futoou iseei taa an dë fii seeka iseei u di i ta peleiki sömëni jaa kaa. Söseei i musu ta seeka iseei bunu a fesi da dee komakandi fii ta feni wini u de.
musu ta wooko makandi ku di ölganisaasi u Jehovah. I musu ta sabi andi da dee njunjun soni di di ölganisaasi piki u fuu du, nöö i musu du dee soni dë wantewante (Nöb 9:17). I musu ta piki dee gaanwomi buka te de da i wan lai, söseei te de piki i wan soni di i musu du.—Heb 13:17

Dee siköutu kisi wan baaa ta tja go, nöö njunsuma ku wanlo woto baaa dë ta luku.

LUKU DI FËLÖN AN DË FUU FËËË DI DU DI SËMBË O DU KU U, NÖÖ BAKA DI DË, PIKI DEE HAKISI AKI:

• Andi bi ta mbei dee baaa ku dee sisa ta fëëë?

• Andi bi heepi de u de an ta fëëë sö möön?