Andi i musu du?

50 I kë libi u teego a di hanse paladeisi dë u?

Ee sö, nöö i musu lei möö u dee sondi di Gadu ta taki. I musu mbei moiti u lei lesi di beibel.​—Johanisi 17:3; Akoalimbo 1:3

51 I musu lei möö sondi u Jesosi tu.​—Deuteronomium 18:18, 19; Johanisi 3:16; Tjabukama 3:19-23

52 Mbei moiti u du bunu sondi wawan. Nöö i musu haika Jehovah so seei tu.​—Loomë 6:17, 18, 22

53 Na fëkëtë taa Jehovah taki taa wa musu kii sëmbë.​—Exodus 20:13; 1 Johanisi 3:11, 12

54 Wa musu tei wan sondi di dë u wan woto sëmbë.​—Exodus 20:15; Efeise 4:28

55 Wan womi an musu libi nasö duumi ku wan mujëë di na hën töuwmujëë.​—Exodus 20:14, 17; 1 Teselonika 4:3

56 I sabi jeti un mëni mujëë Gadu da wan womi pasi u tei ö? Un longi wan womi musu tan libi ku hën mujëë?​—Genesis 2:22, 24; Mateosi 19:5, 6; 1 Kolenti 7:2, 10, 11

57 Mëni tu taa, Jehovah wawan tö, u musu dini.​—Mateosi 4:10; 1 Kolenti 8:​6

58 Dee gadu di sëmbë mbei ku mau, ku dee pindi an sa heepi u. Faandi mbei?​—1 Kolenti 8:4

A bunu u abi dee lö pei gadu dë ü?​—Deuteronomium 27:15; 1 Johanisi 5:​21

59 Faandi mbei an bunu u abi koloi ku tapa obia?​—Deuteronomium 18:​10-13; Akoalimbo 21:8

60 Dee engel dee bi ko hogi nasö hogi jeje, mbei toobi ku Gadu. De ta wooko ku kaita man di ta koti luku u ganja sëmbë.​—Tjabukama 16:​16

61 U musu begi Gadu. Hën da tei ta fan ku Gadu. Joo konda da hën taa i kë dini hën. A di begi dë seei u ta hakisi hën faa heepi u tu.​—Filipi 4:6, 7

62 U musu haika dee sondi Jesosi ta taki, so seei u musu biibi hën tu.​—Hebelejën 5:9; Johanisi 3:16

63 Mëni taki taa a bi dëdë u mbei u ko fii.​—Loomë 5:8

64 Mëni taki taa Jesosi da di Könu fuu, hii fa wa ta si hën ku wojo seei. Ma töku u musu haika hën.​—Filipi 2:9-11; Akoalimbo 19:16

65 Jesosi bi taki taa u musu konda dee bunu sondi di a lei u da woto sëmbë, so seei ee wan sëmbë kë dini Gadu, a musu dopu tu.​—Mateosi 28:19, 20; Johanisi 4:7-15

66 Hën mbei hii dee bunu sondi aki i musu konda da dee mati fii.​—Mateosi 10:32

67 Ee i lei u lesi bunu, nöö joo lei möö hia sondi ku joo sa heepi woto sëmbë möö bunu.​—2 Timoteo 2:15

68 Jesosi bi ta lei dee piki mii tu taa de musu ta haika Gadu. Hii fa a bi ta abi hia sondi u du seei, töku dee sondi dë an bi ta tapa ën faa bi fan ku de.​—Mateosi 19:13-15

69 Hii juu tata ku mama musu ta lei dee mii u de taa de musu ta haika a Gadu so seei taa de musu lobi ën tu.​—Deuteronomium 6:6, 7; Nöngö 6:20-22; Efeise 6:4

70 Fansowtu keiki dë. Gaansë u dee sondi de ta lei an kumutu a di beibel. Jehovah taki taa u musu go kumutu a dee keiki dë.​—Akoalimbo 18:4; Johanisi 4:23, 24

71 Jehovah abi sëmbë a goonliba aki di sa lei i möö sondi fëën. I sabi ambë da dee sëmbë dë u?​—Tjabukama 15:14; Loomë 10:14, 15

72 Dee sëmbë dë da Jehovah Kotoigi. De ta libi bunu ku de seei. I sabi faandi mbei ö? U di de lobi de na de.​—Jesaja 43:10-12; Johanisi 13:34, 35

73 U di de lobi Gadu tu mbei de ta dopu de. Ku di dë de ta mbei hii sëmbë ko sabi taa de disa di hogi fasi u libi u de, u bia ko dini Gadu.​—Tjabukama 2:41

74 Jehovah Kotoigi ta biibi ta de o libi a di hanse njunnjun paladeisi.​—Psalm 37:9-11, 29

Andi i musu du fii sa libi ku de naa-la tu?​—Jakobosi 1:22, 25; 2:20-26

75 Mokisi i seei ku de u lei unfa fii dini Jehovah. De lobi Jehovah ku Keesitu Jesosi, fëën mbei de ta haika de. I lobi de tu ö? I bi o kë heepi woto sëmbë u ko sabi Gadu tu ö?​—Johanisi 6:45-47

76 Jehovah ku Keesitu Jesosi lobi i, fëën mbei de kë taa i musu libi u teego a di paladeisi.​—Johanisi 3:16

Dee sondi di i bi lei u di i bi luku dee peentje ku dee woto sondi a di piki buku aki, tuutuu dai di fii, u feni bunu u di libi u teego a goonliba. Ee i kë sabi möö sondi fëën, nöö u ta dai degi ati fi i hakisi wan u dee Jehovah Kotoigi a di kamian kai ta libi. Nasö i sa sikifi wan biifi go a di kantoo u de di dë möö zuntu ku kai ta libi. Nasö mbei wan sëmbë sikifi da i. Dee në u dee kamian sikifi a bladzijde tu u di piki buku aki.