Di fu teni a feifi woto

Heepi woto sëmbë u du andi Gadu kë

Faandi mbei i musu konda dee soni di i ta lei da woto sëmbë tu. (1)

Dee soni di i ta lei, ambë da dee sëmbë di i sa konda de da. (2)

Unfa i sa heepi woto sëmbë ku di fasi fa i ta tja i seei. (2)

Na un ten i sa peleiki makandi ku di gemeente fii. (3)

1. Te kuma tide, i lei u mëni bunu soni u di Bëibel. Di sabi u di Bëibel di i abi aki, sa heepi i taa te u kaba, i sa ko toon wan bakama u Jesosi di abi bunu fasi (Efeise 4:22-24). Di sabi aki dë tumusi fanöudu fii i sa kisi teego libi (Johanisi 17:3). Ma woto sëmbë seei musu jei di bunu njunsu tu, sö taa de seei sa kisi di teego libi. Hii dee tuutuu bakama u Jesosi musu fan ku woto sëmbë u di bunu njunsu. A dë wan kumadei u Gadu.​—Loomë 10:10; 1 Kolente 9:16; 1 Timoteo 4:16.

2. I sa bigin u fan ku dee sëmbë di i sabi möön bunu, u dee bunu soni di i lei. Fan ku i famii, i mati, sëmbë di i ku de nango a siköö nasö ta wooko. I musu lobi sëmbë, söseei i musu abi pasensi, te i ta fan ku woto sëmbë u dee soni di i lei (2 Timoteo 2:24, 25). Hoi a pakisei taa sëmbë ta luku a di fasi fa i ta tja i seei, möön taa de ta haika a dee soni di i ta taki da de. Hën da, di bunu fasi fa i ta tja i seei, o mbei taa woto sëmbë haika di bosikopo di i ta konda da de.​—Mateosi 5:16; 1 Petuisi 3:1, 2, 16.

3. Baka wan pisiten, nöö i sa dou dee maiki u sa peleiki makandi ku di gemeente u Jehovah Kötöigi. A dë wan taanga fanöudu soni di sa heepi i u göö go a fesi (Mateosi 24:14). A sa dë wan soni di sa mbei i fii piizii, ee i sa heepi wan wotowan u ko toon wan sëmbë di ta dini Gadu, sö taa a sa kisi teego libi.​—1 Tesalonika 2:19, 20.