PISI 9

Na un ten di Paladëisi o ko?

Dee fuka dee dë a goonliba ta lei u gbelin taa abiti möön di Könuköndë u Gadu o du wan soni. Lukasi 21:10, 11; 2 Timoteo 3:1-5

Dee fuka dee sëmbë ta abi a dee lasiti daka u di goonliba—möni pëë, gaan feti, gaan wata ku ventu ko booko kamian, sëmbë an ta abi soni u njan, miii an ta haika de mama ku de tata, wan womi ta fon di mujëë fëën

Di Bëibel bi taki a fesi u sömëni u dee soni dee ta pasa a di ten fuu aki. A bi taki taa sëmbë bi o lobi möni, miii an bi o ta piki dee gaan sëmbë u de buka, sëmbë bi o hogi kuma taku mbeti, nöö de bi o lobi piizii tu.

Goon bi o ta seki ta latja kamian, gaan feti bi o dë, gaan hangi bi o ko, nöö taku siki bi o ko a mundu. Dee soni dë ta pasa nöunöu aki.

Wan Jehovah Kotoigi ta konda di bunu buka u di Könuköndë u Gadu da wan womi

Jesosi bi taki söseei taa di bunu buka u di Könuköndë bi o paaja te dou hii goonliba.—Mateosi 24:14.

Di Könuköndë o puu hii hogi libi a goonliba. 2 Petuisi 3:13

Gadu kii dee hogihati sëmbë a Amagedon, nöö a ta sitaafu Saatan ku dee taku jeje fëën

Abiti möön Jehovah o kii hii dee hogi sëmbë puu.

Saatan ku dee taku jeje o kisi sitaafu.

Jesosi dë sindosindo a di könubangi fëën, nöö sëmbë u peipei nasiön ta piizii

Dee sëmbë dee ta haika Gadu o pasa libilibi go a wan njunjun goonliba ka leti libi nöö o dë. Naandë sëmbë an o ta fëëë möön. A o dë wan goonliba ka sëmbë o ta futoou de na de, nöö de o ta lobi de na de tu.