Kanda 152
I ta heepi u ta taanga di biibi fuu
(Nöngö 14:26)
Wë Jehovah’i du wan bunu da’u,
nöö’u seei u lobi’ën tu.
Hii dee sëmbë di’u ta miti,
u kë de ko sabi.
Ma so juu di libi taanga da’u
te’useei u ko ta wei.
Nöö di biibi di’u bi abi,
hënseei ta ko swaki.
(PIKI U DI KANDA)
I ta heepi’u ta taanga
di biibi fuu,
söseei i ta lei’u soni tu.
U ta paaja di buka
da hii sëmbë.
Ju nöö wë sa mbei wa ta fëëë.
Wë u kë fii da’u wan hati tu
di an’o sa fëëkëtë.
Te dee fuka bi ta miti’u,
hii juu’i bi ta sai dë.
Te mi ta sindo ta pakisei,
nöö mi ta kë da’i tangi.
Hati’u mi ta dë ku piizii
u konda soni fii.
(PIKI U DI KANDA)
I ta heepi’u ta taanga
di biibi fuu,
söseei i ta lei’u soni tu.
U ta paaja di buka
da hii sëmbë.
Ju nöö wë sa mbei wa ta fëëë.
(Luku söseei Ps. 72:13, 14; Nön. 3:5, 6, 26; Jel. 17:7.)