WOTO 15

Lei taa i ta biibi dee soni dee i ta taki

1 Tesalonika 1:5

DI SONI DI I MUSU DU: Lei taa i ta biibi taa dee soni dee i ta taki da tuutuu soni, söseei taa de dë fanöudu.

Seeka iseei bunu. Öndösuku di woto finifini fii sa fusutan dee möön fanöudu pisi fëën, söseei fii sa si unfa di Bëibel ta lei taa de dë sö tuutuu. Pooba u tja dee möön fanöudu pisi ko gbelingbelin a fesi, söndö fii taki hia soni. Pakisei unfa di woto di joo taki o heepi dee haikama. Begi Jehovah faa da i di santa jeje fëën.

Te i ta seeka di taki fii, nöö ta hoi ën ku wan taanga töngö u te kuma i sabi ën a hedi, nöö a o heepi i fii sa hoi ën möön bunu.
Taki soni di ta lei taa i ta biibi dee soni dee i ta taki. Na taki dee soni langalanga kumutu a dee buku fuu, ma taki ën kumafa i fusutëën. Ta kai wöutu di ta lei taa i ta biibi dee soni dee i ta taki.
Be sëmbë si taa i dë seiki u dee soni dee i ta taki. Fan taanga tjika be hii sëmbë ta jei i. Ee a dë wan soni di fiti, nöö ta luku dee haikama te i ta fan.

Aluwasi i dë seiki taa dee soni dee i ta taki da tuutuu soni, tökuseei i musu luku bunu taa ja taki soni di o mbei sen kisi dee haikama, nasö di ta djei kuma i ta duwengi de. Aluwasi i sabi taa dee soni dee i ta taki dë sö tuu, tökuseei i musu fan a wan suti fasi.