WANTU SONI DA UN DEE SËMBË DEE O KO

HEEPIMA U DI KÖNKLËSI Dee heepima u di könklësi abi di faantiwöutu u heepi i. Gaantangi wooko makandi ku de, te de o lei i naasë i musu buta i wagi, naasë i musu waka, te de o piki i wan soni di nama ku dee sindo kamian di i hoi da sëmbë, nasö te de o piki i woto soni.

DOPU Sutuu o dë setiseti a fesi u di podium da dee sëmbë dee o tei dopu. Hiniwan u de musu tja wan wasiduku ku bisi di fiti, u tei dopu. Dee sëmbë dee o tei dopu musu go sindo a dee sutuu dee de seeka da de a sata mamate ufö di dopu taki bigi. Ma ee wan soni tooka, nöö dee baaa o taki ën a fesi.

MÖNI DI SËMBË KË DA Hia kösutu mbei u seeka bunu sindo kamian da sëmbë, söseei u seeka poku soni ku woto soni di o mbei taa a o dë wan piizii soni u dë a di könklësi aki, di o heepi u fuu ko dë möön gaan mati ku Jehovah. Dee möni dee i ta da ta heepi u tapa dee kösutu aki, söseei de ta heepi ku di wooko di u ta du a hii goonliba. Fëën mbei möni këdë dë a sömëni kamian u di zali ka i sa buta möni u heepi. I sa da möni tu te i go a donate.jw.org. U ta tei hii dee möni dee i ta da, u bigi seei. Di Tii Kulupu ta da i tangi seei u dee möni dee i ta da ku hii i hati u heepi du di wooko u di Könuköndë a hii goonliba.

EHBO (KAMIAN DA SËMBË DI SIKI NASÖ DI KISI MAKEI) Gaantangi, hoi a pakisei taa sëmbë di siki nasö di kisi makei wanwan tö sa go a di kamian aki.

SONI DI I LASI NASÖ SONI DI WOTO SËMBË FENI Hii soni di sëmbë feni, de musu tja go a di kamian di abi di faantiwöutu u luku dee lö soni dë. Ee i lasi wan soni, nöö i sa go a di kamian dë u luku ee di soni di i lasi sai dë. Ee i si wan mii di lasi, di an sabi ka hën mama ku hën tata dë, nöö tjëën go da dee baaa u di kamian dë. Gaantangi, luku dee mii fii bunu, nöö hoi de a i bandja.

SINDO KAMIAN Gaantangi, hoi wotowan a pakisei. Na fëëkëtë taa dee sëmbë dee i ku de waka a di wan seei wagi, dee sëmbë dee i ku de ta libi a di wan seei wosu nasö dee sëmbë dee i ta lei soni u Bëibel wanwan nöö, i sa tei sindo kamian da. Gaantangi na buta buku a dee woto sindo kamian dee dë a di pisi ka joo sindo.

SËMBË DI KË HEEPI KU WOOKO Ee i kë heepi du so wooko a di könklësi, nöö gaantangi i sa go buta i në a di kamian kaa dee sëmbë dee kë heepi nango buta në, nöö de o piki i ku un wooko i sa heepi de.

APAITI KOMAKANDI

Siköö da Könuköndë Peleikima

Pionili di abi 23 jaa te go miti 65, nöö di kë du möön hia a di diniwooko, ta kisi di kai u go sonde sapate a di komakandi da dee sëmbë di kë go a di Siköö da Könuköndë Peleikima. Dee baaa o piki u na un juu di komakandi dë o hoi, söseei naasë de o hoi ën.