Unfa Gadu ta pakisei u dee fuka dee ta miti i?

So sëmbë ta biibi taa Gadu an ta si dee fuka dee ta miti u, nöö de ta biibi taa aan toobi ku u tu.

LUKU ANDI DI BËIBEL TA TAKI

Gadu ta si u, nöö a a’ toobi ku u

„Jehovah ko si taa libisëmbë bi ta du gaan hogi a goonliba seei, . . . A bi fii ën gaanfa te nëën hati dendu.”—Kenesesi 6:5, 6.
Gadu o puu fuka a goonliba

„Wan sati pisiten nöö fika, nöö hogihati sëmbë an o dë möön. Joo luku di kamian ka de bi dë, ma de an o sai dë möön. Ma dee sakafasi sëmbë o feni di goonliba, nöö de o piizii seei biga bööböö libi o dë pasa maaka.”—Psalöm 37:10, 11.
Andi Gadu kë fii feni

„’Mi sabi bumbuu fa mi ta pakisei fuunu. Ma kë hogi miti unu, ma mi kë taa un musu abi wan bunu libi. Mi kë taa soni waka bunu ku unu a di ten di ta ko, söseei mi kë fuun dë ku di mëni taa soni o waka bunu bakaten. Un musu kai mi, un musu ko a mi, un musu begi mi, nöö mi o haika unu.’”—Jelemia 29:11, 12.

„Pusa go a Gadu e, nöö Gadu seei o pusa ko a i tu.”—Jakobosi 4:8.

Ee i kë ko sabi möön soni u di soni mbei Gadu ta da pasi taa fuka ta miti sëmbë, nöö luku woto 26 u di buku I sa dë waiwai u teego!, di Jehovah Kotoigi tja ko a döö. A dë u feni tu a www.jw.org/srm