Konda da sëmbë faandi mbei i ta biibi dee soni dee pasa a di jaa 1914

Di Wöutu u Gadu ta da u di degihati u dë „kabakaba u hopo taki” da di biibi fuu, ma u „musu du ën a wan saapi fasi, söseei ku gaan lesipeki” (1 Pet. 3:15, NW). Kandë so juu a sa taanga da u u konda dee tuutuu lei u Bëibel finifini da sëmbë. Kandë u musu konda da de unfa u du sabi taa di Könuköndë bigi tii a di jaa 1914. U heepi u piki di hakisi aki, dee Waktitoren dee woo paati a tinimu-liba ku ëlufumu-liba abi wan pisi „Wan takimakandra nanga wan birtisma​—O ten Gado Kownukondre bigin tiri?” Te joo leisi fa di peleikima Winston bi fan ku wan womi, nöö pooba u piki dee hakisi a basu aki.

Unfa a bi . . .

• gafa di womi, nöö faandi mbei a bi du ën?​—Tjab. 17:22.

• lei taa a abi sakafasi di a bi ta konda andi a ta biibi?​—Tjab. 14:15.

Faandi mbei a bi bunu taa a bi . . .

• taki kölö sö u dee soni de bi taki, ufö a bi bigi taki u wan woto soni?

• ta tei böö ten na ten u hakisi di womi ee a bi ta fusutan dee soni?

• ta luku bunu u na taki u hii soni wantewante?​—Joh. 16:12.

U dë ku tangi seei taa Jehovah, di „Gaan Leima” fuu, ta lei fa u musu konda dee fundu lei u Bëibel da dee sëmbë dee ta hangi u ko sabi de!​—Jes. 30:20.