Paati „bumbuu soni” ku wotowan u di i ta tei de ku wai a i wosu (Mat. 12:35a)

Hii u tuu kë paati „bumbuu soni” ku wotowan, fëën mbei u ta ’tei sëmbë ku wai a u wosu’ (Lom. 12:13). Dee gaanwomi de ta seti soni u paka dee kösutu di wan baaa mbei u ko hoi wan taki a di kemeente, söseei u seti soni u baaa ku sisa tei de ku wai a wosu. Ma kandë wa kë ’tei sëmbë ku wai a u wosu’ u di u ta feni taa wa a’ soni u da de, nasö kandë u di u ta fëëë u kai de ko a u pisi. Ee u fiti di lai di Jesosi bi da Maita, nöö a o heepi u u na fëëë u kai sëmbë ko a u pisi (Luk. 10:39-42). A bi taki taa di „möön bunu soni” u di tei di u ta tei sëmbë ku wai a u wosu, da di degihati di u ta feni te u dë makandi ku de, ma na di njanjan ku di fasi fa u bisi wosu da di möön bunu soni. Ee u fiti di lai aki, nöö hii u tuu o sa paati „bumbuu soni” ku dee baaa ku sisa fuu kumafa di Wöutu u Gadu ta lei u.​—3 Joh. 5-8.