Fasi fa u sa paati di Waktitoren ku dee brochure fuu

Fa u sa paati di kai u mëni di dëdë u Jesosi

„U ta paati di pampia aki da hii sëmbë da wan fanöudu komakandi di o hoi. A 3 u piki-deewei- liba, milionmilion sëmbë a hii së u goonliba o ko makandi u mëni di dëdë u Jesosi Keesitu, nöö wan taki o hoi di o lei u unfa di dëdë fëën o tja wini ko da u. An dë fii paka u ko haika di taki aki. Di juu ku di kamian ka di komakandi aki o hoi sikifi a di kai aki.”

A Waktitoren 1 maart

„A 3 u piki-deewei-liba, woo mëni di daka di Jesosi bi dëdë. Sömëni sëmbë u di pisiwata fuu o ko makandi u mëni di daka dë, ma woto sëmbë dë di an ta si di dëdë u Jesosi kuma wan fanöudu soni. Unfa ii ta si ën? I si kuma di dëdë u Jesosi ku di weki di a weki kumutu a dëdë ta tja wini ko da u ö? [Da di sëmbë pasi faa piki.] Luku andi di Wöutu u Gadu ta taki u di soni aki. [Lesi 1 Kolenti 15:22, 26.] Di buku aki ta taki u wan u dee wini di di lusupaima u Jesosi o mbei u feni a di ten di ta ko. A ta taki fa wan daka o ko ka na wan libisëmbë a goonliba o ta dëdë möön.”

BROCHURE: I sa dë wan mati u Gadu!

„Boo go haika di fosu woto di u ta kai: ’Gadu ta da i wan kai fii toon hën mati.’ [Haika di woto te i kaba, nöö hakisi di sëmbë di soni aki.] kumafa u jei a di woto, nöö ambë bi dë wan mati u Gadu? [Da di sëmbë pasi faa piki.] Hën wanwan bi dë Gadu mati ö? [Da di sëmbë pasi faa piki.] I si kuma iseei sa ko toon wan mati u Gadu tu ö? [Da di sëmbë pasi faa piki.] A di woto u jei taa so sëmbë ta suku u ko gudu, ka u de suku u ko toon wan mati u Gadu. I si kuma de ta du wan köni soni ö? [Da di sëmbë pasi faa piki.] Faandi mbei an dë wan köni soni? [Da di sëmbë pasi faa piki.] I fusutëën bunu seei. Ma i si kuma hii sëmbë o feni ën bunu taa i ta lei soni u Gadu ö? [Da di sëmbë pasi faa piki.] Ma andi i musu hoi a pakisei?” [Da di sëmbë pasi faa piki.] Gafa di sëmbë u dee bunu piki di a da, nöö dëën degihati u tan lei soni a di Wöutu u Gadu go dou.