Fasi fa u sa paati di Waktitoren ku dee brochure fuu

A Waktitoren 1 mei

„Ee i bi sa puu wan u dee fuka dee dë a goonliba aki, un fuka i bi o puu? [Da di sëmbë pasi faa piki.] Di Bëibel ta taki taa abiti möön Gadu o puu di fuka aki, söseei a o puu hii woto fuka tu. [Lesi wan tëkisi di nama ku di fuka di di sëmbë kai. Kandë i sa lesi Daniëli 2:44; Nöngö 2:21, Mateosi 7:21-23, nasö 2 Petuisi 3:7.] Di Waktitoren aki ta taki na un ten Gadu o tooka hii soni a goonliba ko bunu, söseei unfa a o du ën.”

BROCHURE: Gadu abi bunu buka da u!

„Mi ko a i aki tide u ko lei i taa an taanga u ko sabi andi Gadu o du da libisëmbë a di ten di ta ko. I hakisi iseei wan daka kaa ee Gadu o puu u a fuka basu ö? [Da di sëmbë pasi faa piki.] Di buku aki ta lei i ka i sa feni di piki u di hakisi aki a Bëibel. [Da di sëmbë di brochure, nöö lesi di fosu palaklafu u woto 1 ku Jelemia 29:11.] I si kuma di tëkisi aki ta lei taa Gadu kë taa soni waka bunu da u a di ten di ta ko u? [Da di sëmbë pasi faa piki.] Ee i kë mi sa dai di buku aki. Wan woto pasi u sa luku di u tu palaklafu u ko sabi di piki u di hakisi aki di dë a Bëibel: ’Unfa Gadu o puu hii libisëmbë a fuka basu?’”