Fasi fa u sa paati di Hei Wakitimawosu ku dee brochure fuu

A Waktitoren 1 u höndima-liba

„U dë a di së pisi fuunu aki tide u da sëmbë degihati u lei soni u Bëibel. Sömëni sëmbë ta feni taa dee soni di dee sabima u di ten aki öndösuku, ta lei taa di Bëibel an ta taki tuutuu soni. Ma unfa ii ta si di Bëibel? I si kuma u sa biibi dee soni dee sikifi a di Bëibel ö? [Da di sëmbë pasi faa piki.] Luku fa di soni di sikifi a di tëkisi aki ta lei taa di Bëibel ta taki tuutuu soni te a nama ku dee soni dee sabima öndösuku. [Lesi Jöpu 26:7.] Di buku aki ta lei fa di Bëibel ta kai ku dee soni dee sabima öndösuku.”

BROCHURE: Haika Gadu nöö joo libi u teego!

Lei di sëmbë dee soni dee dë a bladsëidë 2 ku 3, nöö taki: „I bi o kë libi a wan goonliba kuma di i ta si a di peentje aki ö? [Da di sëmbë pasi faa piki.] Gadu buku ta paamusi u taa, abiti möön Gadu o mbei di goonliba ko toon wan gaan hanse kamian ka libisëmbë o ta libi bööböö, nöö de an o ta siki nasö ta pena möön. Luku andi u musu du u sa libi naandë. [Lesi di tëkisi u Jesaaja 55:3 di sikifi a liba u bladsëidë 3.] Di tëkisi aki ta piki u taa u musu ’ko a’ Gadu, nöö u ’haika’ ën. Ma unfa u ta haika Gadu?” Go a bladsëidë 4 ku 5, nöö un taki fëën. Ee aan ten, i sa disa di buku dëën, nöö i mbei wan buka ku ën u toona go nëën fuun luku di piki makandi.