’Dee soni mi o piki i aki musu dë a i hati’

Mama ku tata dë kuma sikapuma. De musu ta luku dee mii u de bunu, u di dee mii u de sa lasi pasi hesi, söseei sëmbë sa ganjan de hesi tu (Nöng. 27:23). Andi mama ku tata musu du u sa luku dee mii u de bunu? De musu ta tei ten hiniwan daka u ta fan ku de, sö taa de sa ko sabi andi dë a de hati, söseei andi de ta pakisei (Nöng. 20:5). Mama ku tata musu heepi dee mii u de u de ko abi wan taanga biibi tu, sö taa de sa hoi dou te tesi ta miti de (1 Kol. 3:10-15). Di fëlön ’Dee soni mi o piki i aki musu dë a i hati’ ta lei taa a dë fanöudu u ta hoi di Wosudendu Dini hiniwan wiki. Un luku ën makandi, nöö baka di dë un sa piki dee hakisi a basu aki.

(1) Andi bi mbei di wosudendu u baaa Lomani ko suwaki a di biibi? (2) Faandi mbei bigibigi soni an bi waka bunu di Baaa Lomani ku dee sëmbë fëën bi ko u hoi di Wosudendu Dini? (3) Un tëkisi sa heepi i fii kiija dee mii fii möön bunu? (Deto. 6:6, 7) (4) Andi sa heepi sëmbë u wan wosudendu u de sa ta fan fusutan deseei? (5) Andi miii abi fanöudu a de mama ku de tata? (6) Unfa Baaa ku sisa Banai bi heepi Toma Lomani ku dee sëmbë fëën? (Nöng. 27:17) (7) Andi wan hedima u wan wosudendu musu du a fesi, u mbei di Wosudendu Dini waka bunu? (8) Andi Baaa Lomani bi du u soni bi sa bigi ta waka bunu a di wosu u de? (9) Faandi mbei a dë fanöudu u ta hoi di Wosudendu Dini hiniwan wiki? (Ef. 6:4) (10) Andi da wan tu soni dee u sa du a di Wosudendu Dini fuu? (11) Andi Baaa Lomani an bi du di a bi go fan ku Makösi u lei ën taa a dë fanöudu u du soni di bunu? (Jel. 17:9) (12) Unfa Baaa ku sisa Lomani bi fan ku Lebëka u heepi ën faa si taa di dë di a bi kë dë ku Jose, an bi dë wan bunu soni? (Maik. 12:30; 2 Tim. 2:22) (13) Unfa Baaa ku sisa Lomani bi lei taa de abi biibi di de bi ta tooka soni a de libi? (Mat. 6:33) (14) Unfa di fëlön aki ta lei dee hedima u dee wosudendu taa a dë fanöudu u ta heepi dee sëmbë u de u ko taanga a di biibi? (1 Tim. 5:8) (15) Andi ju kuma hedima u di wosudendu fii dë kabakaba u du?

WAN SONI DA DEE HEDIMA U WOSUDENDU: De bi pëë di Bëibel pëë u di fëlön aki a di könklësi u di jaa 2011. Di de bi ta pëë di pëë aki, i bi si soni nëën di i bi musu tooka a di Wosudendu Dini fii tu ö? Unfa a dë nöunöu? Ee wan tu soni dë di i musu tooka jeti, nöö gaantangi begi Jehovah faa heepi i fii tooka de, sö taa i ku dee sëmbë fii wosudendu sa ta feni wini u nöömö.​—Ef. 5:15-17.