U musu ta seeka useei ee u kë lei sëmbë soni a wan bunu fasi

Tu pasi sëmbë bi hakisi Jesosi soni di nama ku di teego libi, ma a hii dee tu pasi tuu a bi hoi dee sëmbë a pakisei di a bi da de di piki (Luk. 10:25-28; 18:18-20). Fëën mbei aluwasi u sabi di soni di woo lei di studie fuu bumbuu, tökuseei u musu seeka useei a fesi ku di studie a pakisei. Un pisi ta taanga dëën u fusutan nasö u tei? Undi u dee tëkisi woo lesi dëën? Un mëni palaklafu woon du? Kandë a o dë fanöudu u seeka wan woto u konda dëën nasö u sindo pakisei un hakisi u sa buta dëën nasö unfa u sa puu wan soni dëën faa fusutan di soni di woo lei ën. Ma u di Jehovah hën da di sëmbë di ta mbei di sii u di tuutuu lei göö a sëmbë hati, mbei a bi o bunu u hakisi ën faa heepi u fuu seeka useei bunu, faa heepi di studie fuu, söseei faa mbei soni waka bunu a di heepi di u ta heepi di studie fuu faa go a fesi.​—1 Kol. 3:6; Jak. 1:5.