Jöpu bi hoi hënseei a Gadu hii fa tesi bi ta miti ën

Jöpu bi ta libi a di köndë Uzu, a di ten di dee Isaëli sëmbë bi dë a katibo a Egepiti. Ma hii fa Jöpu an bi dë wan Isaëli sëmbë, tökuseei a bi ta dini Gadu ku hii hën hati. A bi abi hia mii, hia gudu, nöö sëmbë u di pisiwata ka a bi ta libi bi ta lesipeki ën. A bi dë wan bunu laima di sëmbë bi ta lesipeki tu, söseei a bi dë wan kuutuma di bi ta kuutu soni a wan leti fasi. A bi lo’ u heepi dee pootima. Jöpu bi ta hoi hënseei a Gadu.

Jöpu bi lei gbelingbelin taa Jehovah hën bi dë di möön fanöudu sëmbë nëën libi

1:8-11, 22; 2:2-5

• Saatan bi si taa Jöpu bi ta hoi hënseei a Gadu. A bi sabi taa Jöpu bi ta piki Gadu buka, ma tökuseei a bi taki taa Jöpu an bi ta hoi hënseei a Gadu u sösö

• Saatan bi taki taa Jöpu ta hoi hënseei a Gadu u di a ta suku wini da hënseei

• Jehovah bi da Saatan pasi u du hogi ku di limbohati womi aki, faa bi sa lei Saatan taa di soni di a bi taki an dë sö. Saatan bi tja hogi ko miti Jöpu a hii pei futu

• Di Jöpu hoi hënseei a Gadu, hën Saatan bia taki taa na wan libisëmbë o hoi deseei a Gadu

• Jöpu an bi du zöndu a Gadu fesi, söseei an bi taki taa Gadu hën bi ta du hogi ku ën