Watchtower LIBRARY A INTERNET

LIBRARY A INTERNET

mwb16 piki-deewei-liba bld. 3
Taki soni u da wotowan degihati, söseei u da de taanga

Di libi ku di diniwooko fuu kuma Keesitu sëmbë—Komakandi-buku—2016

mwb16 piki-deewei-liba bld. 3

DEE GUDU DEE DË A DI WÖUTU U GADU | JÖPU 16-20

Taki soni u da wotowan degihati, söseei u da de taanga

Wan laima musu sa da wotowan taanga ku dee soni dee a ta taki

16:4, 5

Jöpu bi dë ku fuka, nöö a bi abi heepi fanöudu, söseei a bi abi degihati u wotowan fanöudu
Ka u dee dii mati u Jöpu bi dëën degihati, de bi ta mindi soni dëën, ta dëën möön bookohedi

Dee hati soni dee Bilidati bi piki Jöpu bi mbei Jöpu bai fan ku tjali a hati

19:2, 25

Jöpu bi bai kai Gadu faa mbei a feni böö, aluwasi a musu dëdë seei
Jöpu bi ta hoi hënseei a Gadu u di a bi ta pakisei u di weki di Gadu o weki sëmbë baka

Elifasi ta fan ku Jöpu, nöö Bilidati ku Sofali taanpu ta luku

DEE WOMI DEE BI TA MINDI SONI DA JÖPU

Elifasi:

A sa kan taa a bi dë u di foto Teiman di dë a di köndë Edöm. Jelemia 49:7 ta taki soni u di foto Teiman ka köni sëmbë bi dë
A sa dë sö taa Elifasi bi dë di möön gaan wan, nöö hën fosu bi bigi fan. A bi fan hia möön dee wotowan

Dee soni a bi mindi da Jöpu:

A bi ta mbei Jöpu fa u di Jöpu bi ta hoi hënseei a Gadu, nöö a bi taki taa Gadu an ta futoou dee dinima fëën (Jöpu 4, 5)
A bi taki taa Jöpu bi ta du wan soni di an bi abi leti u du, nöö a bi abi hogihati, söseei a bi taki taa Jöpu an bi ta fëëë Gadu (Jöpu 15)
A bi taki taa Jöpu giii, taa an ta libi a wan leti fasi. A bi taki tu taa libisëmbë an dë soni da Gadu (Jöpu 22)

Bilidati:

Wan bakamii u Suwa. A sa kan taa a bi ta libi a di lio de kai Efaata bandja
A bi dë di u tu sëmbë di bi fan. An bi fan longi kuma Elifasi, ma a bi taki möön hati soni

Dee soni a bi mindi da Jöpu:

A bi taki taa dee womi mii u Jöpu bi du zöndu, fëën mbei de bi dëdë. A bi piki Jöpu tu taa Jöpu an bi ta biibi a Gadu (Jöpu 8)
A bi taki taa Jöpu da wan hogiduma (Jöpu 18)
A bi taki taa u sösö libisëmbë ta hoi deseei a Gadu (Jöpu 25)

Sofali:

Wan Naamasëmbë di bi dë u Alabia
A bi dë di u dii sëmbë di bi fan, an bi fan hia seei, ma a bi piki Jöpu hati soni möön hii dee wotowan

Dee soni a bi mindi da Jöpu:

A bi piki Jöpu taa Jöpu ta taki sösö soni, nöö a musu tapa ku dee hogi soni dee a ta du (Jöpu 11)
A bi taki taa Jöpu abi hogihati, söseei taa a lo’ u du zöndu (Jöpu 20)