Fasi fa u sa paati dee buku fuu

DI HEI WAKITIMAWOSU

Hakisi: Ee di Bëibel kumutu a Gadu tuutuu, nöö aluwasi andi libisëmbë du, de an o sa feni ën poi kaba a sösö. Na sö nö?

Tëkisi: Jes 40:8

Dëën: Di Hei Wakitimawosu aki ta taki unfa sëmbë bi suku u poi di Bëibel kaba a sösö, ma de an bi sa.

DI HEI WAKITIMAWOSU (woto di dë a baka)

Hakisi: Mi bi o kë jei unfa i ta pakisei u di hakisi aki. [Lesi di fosu hakisi di dë a bladsëidë 32.] So sëmbë ta biibi taa libisëmbë hën ko ku keiki soni. Wotowan ta biibi taa Gadu ta wooko ku keiki u hai u fuu ko zuntu ku ën. Unfa ii ta si ën?

Tëkisi: Jak 1:27

Dëën: Di Hei Wakitimawosu aki ta lei u andi Bëibel ta taki u di soni aki. Mi bi o feni ën bunu ee mi bi sa toona ko a i baka fuu sa taki u wantu soni di sikifi a di buku aki.

HAIKA GADU NÖÖ JOO LIBI U TEEGO

Hakisi: Hii sëmbë abi wan në. Dee sëmbë fuu, ku dee mati fuu seei abi wan në. Ma Gadu wë, unfa de kai hën në?

Tëkisi: Ps 83:18

Dëën: Di buku aki ta heepi u fuu ko fusutan sömëni woto soni di Bëibel ta lei u u Gadu. [Taki u wantu soni di dë a bladsëidë 6 ku 7.]

SIKIFI ANDI ISEEI BI O KË TAKI

Luku fa de sikifi taa u sa paati dee buku fuu, nöö sikifi a di pisi aki unfa iseei bi o kë paati de tu.