Da de wan suti ko

Ambë u musu da wan suti ko? Hii dee sëmbë dee ta ko a dee komakandi fuu. Aluwasi de ko u di fosu pasi nasö aluwasi de guwenti u ta ko kaa (Lo 15:7; Heb 13:2). A sa dë wan baaa nasö wan sisa di kumutu a wan woto köndë nasö di an bi ta ko a komakandi möön, ma di toona ko u di fosu pasi baka sömëni jaa. Unfa ii bi o fii ee ju bi dë a dee sëmbë aki kamian? Ja bi o fii bunu taa de da i wan suti ko u? (Mt 7:12). An bi o dë wan bunu soni fii ta da hii sëmbë odi ufö di komakandi bigi nasö baka te di komakandi kaba u? Di soni aki o mbei taa hii sëmbë o ta lobi deseei a di kemeente, nöö a o tja gafa ko da Jehovah tu (Mt 5:16). U ta fusutan taa na ku hii sëmbë joo sa fan. Ma te hii u tuu ta du andi u musu du, nöö hii sëmbë o ta fii suti te de ko a dee komakandi.a

Hii juu u musu ta da sëmbë wan suti ko, na te u ta mëni di dëdë u Jesosi nöö. Te dee sëmbë dee ko u di fosu pasi si fa u lobi sëmbë tuutuu, nöö de sa kë ko ta dini Gadu makandi ku u.​—Jo 13:35.