Dee soni dee u sa lei a di buku Jona

Jehovah buta woto u womi ku mujëë di bi abi wan taanga biibi a di Wöutu fëën, u lei u fanöudu soni (Lo 15:4). Andi i lei a di buku Jona? Luku di fëlön Wosudendu Dini: Jona​—Lei wan soni u di tjalihati u Jehovah, nöö baka di dë, un piki dee hakisi aki:

• Un tesi bi miti dee dii peleikima a di fëlön?

• Unfa di buku u Jona sa da u taanga ee de bai u a wan soni, nasö ee u lasi wan gaandi di u bi abi a di kemeente? (1Sa 16:7; Jon 3:1, 2)

• Unfa di woto u Jona sa heepi u fuu ta pakisei bunu u dee sëmbë u di pisiwata ka u ta peleiki? (Jon 4:11; Mt 5:7)

• Unfa di soni di bi miti Jona sa da u kötöhati te u dë ku wan siki di data an sa kula? (Jon 2:1, 2, 7, 9)

• Andi i lei a di fëlön aki u di lesi di i musu ta lesi di Bëibel, söseei u di pakisei di i musu ta pakisei fundu fëën?