I musu dë kabakaba seei ta wakiti

Un longi i dë ta wakiti di Könuköndë u Gadu kaa faa ko? I ta wakiti ku pasensi hii fa soni ta taanga da i ö? (Lo 8:25) Sëmbë ta buuse so u dee Keesitu sëmbë, de an ta libi bunu ku de, de ta söötö de a dunguwosu, söseei de ta kii so u de. Sömëni woto Keesitu sëmbë dë ku siki nasö de ko gaandi.

Andi o heepi u fuu dë kabakaba ta wakiti aluwasi un tesi ta miti u? Hiniwan daka u musu ta lesi di Bëibel ta pakisei fundu fëën u di biibi fuu ko möön taanga. U musu ta buta pakisei a di bunu ten di dë u a fesi ta ko (2Ko 4:16-18; Heb 12:2). U musu ta hakisi Jehovah taangataanga a begi faa da u di santa jeje fëën fuu sa ko abi degihati (Lu 11:10, 13; Heb 5:7). Di lobi hati Tata fuu sa heepi u fuu „a’ taihati a soni”, söseei fuu ’sa tei hii dee soni dee ta miti u ku pasensi, ku wai a hati seei’.​—Kol 1:11.

LUKU DI FËLÖN U MUSU ’TA KULE A DI PASI LIBA NÖÖMÖ’​—BIIBI TAA JOO FENI DI PAKA. BAKA DI DË, NÖÖ PIKI DEE HAKISI AKI:

• 

  Un „soni di wa bi mëni” sa miti u a u libi? (Pel 9:11)

• 

  Unfa begi ta heepi u te tesi ta miti u?

• 

  Ee wa sa du soni da Jehovah möön kumafa u bi naa, nöö faandi mbei u musu ta buta pakisei a dee soni dee u sa du jeti?

• 

  Andi ta heepi i fii sa dë seiki taa joo feni di paka?