Di goonliba „guli di lio”

A bi pasa sömëni pasi na awooten taa tiima bi heepi dee sëmbë u Jehovah (Ësl 6:1-12; Ëst 8:10-13) A di ten aki seei u bi si fa „di goonliba”, hën da dee tiima u dee peipei köndë, dee an ta buuse dee sëmbë u Jehovah sö, bi guli di lio, hën da dee tesi, di di „gaan kaima”, Saatan Didibi, ta mbei ta miti u (Ako 12:16). So juu Jehovah „di Gadu di ta heepi sëmbë” sa mbei dee tiima heepi dee sëmbë fëën.​—Ps 68:20; Nön 21:1.

Ma unfa a dë ee de buta i a dunguwosu u di biibi fii hedi? I sa dë seiki taa Jehovah dë ku i, nöö a o heepi i (Ke 39:21-23; Ps 105:17-20). I sa dë seiki taa joo feni paka u di biibi fii, söseei taa di hoi di i ta hoi iseei a Jehovah ta da dee baaa ku dee sisa a hii së u goonliba degihati.​—Fp 1:12-14; Ako 2:10.

LUKU DI FËLÖN DE PUU DEE BAAA U KOLEA A DUNGUWOSU, BAKA DI DË, NÖÖ PIKI DEE HAKISI AKI:

• Faandi mbei de bi buta dusudusu baaa u Zuid-Kolea a dunguwosu a dee jaa dee pasa?

• Unfa wan kuutu di bi hoi bi mbei taa de puu dee baaa fuu möön fuuku a dunguwosu?

• Unfa u sa heepi dee baaa ku dee sisa fuu a hii së u goonliba di dë a dunguwosu u di biibi u de hedi?

• Unfa u musu wooko ku di dë di u dë fiifii nöunöu?

• Ambë da di sëmbë di ta heepi u fuu ta wini hiniwan u dee kuutu dee u ta wini?