Taanpu gingin u di di kaba u di goonliba aki zuntu

FAANDI MBEI A DË FANÖUDU: Abiti möön gaangaan soni o pasa ka u musu lei taa u abi degihati, söseei ka u musu lei taa u ta futoou Jehovah ku hii u hati. Di gaan fuka o bigi te de o poi dee poipoi biibi (Mt 24:21; Ako 17:16, 17). A di gaan buuja ten dë, woo ta paaja wan kuutu bosikopu (Ako 16:21). Gögi u Magögi o ko feti ku u (Eze 38:10-12, 14-16). Ma Jehovah o heepi dee sëmbë fëën a „di gaan feti a di Daka di di Gadu di abi hii makiti u mundu” buta (Ako 16:14, 16). Ee u kë abi möön degihati te dee soni aki o pasa, nöö nöunöu kaa u musu ta hoi useei a Jehovah te tesi ta miti u di sa mbei di biibi fuu ko suwaki.

FA U MUSU DU ËN:

• U musu abi degihati u ta hoi dee wëti u Jehovah.​—Jes 5:20

• U musu ta ko makandi ku dee woto baaa ku sisa u dini Jehovah.​—Heb 10:24, 25

• U musu ta dë kabakaba u ta du dee soni di di ölganisaasi u Jehovah ta piki u.​—Heb 13:17

• U musu ta pakisei unfa Jehovah bi heepi dee sëmbë fëën a di ten di pasa.​—2Pe 2:9

• U musu ta begi Jehovah, söseei u musu ta futoou ën tu.​—Ps 112:7, 8

LUKU DI FËLÖN SONI DI O PASA KA U MUSU LEI TAA U ABI DEGIHATI, NÖÖ BAKA DI DË, PIKI DEE HAKISI AKI:

• 

  Faandi mbei a bi taanga da so u dee peleikima u piki dee baaa buka di de bi manda de go a wan woto kemeente?

• 

  Unfa u sa ko abi degihati te dee baaa ta piki u fuu du wan soni?

• 

  Faandi mbei a o dë fanöudu fuu abi degihati te Amagedon o dou?

• 

  Un Bëibel woto sa heepi u fuu sa ko abi wan taanga biibi a Jehovah taa a o sa heepi u?​—2Klo 20:1-24