Unfa u sa du di diniwooko fuu möön bunu​—Peleiki da wan sëmbë a wan camera nasö a di soni de kai intercom

FAANDI MBEI A DË FANÖUDU: U di könima ko mbei te a hia computer soni, söseei u di hogidu ko möön hia, mbei a sömëni köndë sëmbë lo’ u buta camera ku di soni de kai intercom a de wosu u sëmbë sa fan ku de. A sa dë wan taanga soni da u fuu peleiki da wan sëmbë di ta si u, ma wa ta si ën. Dee soni dee sikifi a basu aki o heepi u fu an taanga da u te u musu peleiki da wan sëmbë a camera nasö a wan intercom. Söseei de sa heepi u tu te u ta peleiki da wan sëmbë ku tëlëfön.

FA U MUSU DU ËN:

• Dë ku di pakisi taa di sëmbë o kë haika. Gaansë u dee sëmbë dee abi camera nasö intercom ta kë fan ku u

• I musu hoi a pakisei taa so camera ta bigi hai soni tei ufö i zin di könöpu a wan sëmbë dööbuka u fan ku ën, nöö di sëmbë sa si andi i ta du nasö a sa jei andi i ta taki

• Te di sëmbë piki, nöö i musu fan ku ën kuma te i ku ën bi o taanpu fesi ku fesi ta fan. Lafu tjë sö dëën, nöö na mbei soni ku maun poi. Taki dee soni dee i bi o taki dëën ee i ku ën bi o fan fesi ku fesi. Ee a abi wan camera, nöö na tja fesi go zuntu ku di camera poi. Ee di sëmbë an piki, nöö ja musu taki wan soni disa a baka dëën

• Te i ku di sëmbë kaba fan, nöö hoi a pakisei taa di sëmbë sa ta luku i jeti andi i ta du nasö a sa jei jeti andi i ta taki