I sa da i ten ku i kaakiti ö?

Kumafa Jesaaja bi taki a fesi, nöö u ta si fa di pisi u di ölganisaasi u Jehovah di dë a goonliba aki nango a fesi seei (Jes 54:2). Di soni aki mbei taa u musu mbei möön Könuköndë zali, möön kamian ka u ta hoi gaan komakandi, ku möön Bëtëli wosu. Te de mbei dee lö kaiman aki kaa, nöö de musu ta seeka de u de ta dë bumbuu, söseei de musu ta seeka dee soni dee booko mbei baka. Un okasi u ta feni a dee lö wooko aki fuu sa da Jehovah u ten ku u kaakiti?

• U sa go heepi u seeka di Könuköndë zali makandi ku dee sëmbë u di peleikiwooko kulupu fuu faa sa ta dë limblimbo

• U sa hakisi dee baaa u lei u unfa u sa du so wooko sö taa u sa ta seeka soni a di Könuköndë zali faa sa ta dë bumbuu

• U sa fuu di DC-50 pampia u go heepi u wan pisiten u ta mbei Könukönde zali nasö woto kamian ka u nango dini Gadu, nasö fuu nango ta heepi ta seeka dee lö kamian aki dee dë zuntu ku ka u ta libi

• U sa fuu di A-19 pampia u go heepi wan wiki nasö möön longi a Bëtëli nasö a wan woto kamian u Bëtëli

LUKU WAN SATI PISI U DI FËLÖN WI O BOW WAN NYUN BETEL GEBOW​—NÖÖ BAKA DI DË, PIKI DEE HAKISI AKI:

• Unfa u ko ta möön wooko ku fëlön sensi di jaa 2014?

• Ku un wooko de o bigi u de sa ta mbei möön hia fëlön da u, nöö na un ten de o bigi ku di wooko aki, söseei na un ten di wooko aki o kaba?

• Andi baaa ku sisa sa du u de sa go heepi ku di wooko aki?

• Ee u bi o kë go heepi ku di wooko di de o du a Ramapo, nöö faandi mbei u musu fuu di DC-50 pampia, nöö u bigi ta heepi ku wan wooko di dee baaa u LDC ta du a di köndë fuu?

• Un soni ta lei taa Jehovah ta tii di wooko aki?

• Unfa u sa heepi ku di wooko aki, aluwasi wa sa go heepi mbei ën?