Un dee njönkuwan, Jehovah da di möön bunu mati fuunu ö?

Un fasi i bi o kë taa wan mati musu abi? A kan taa i lobi te wan sëmbë ta hoi hënseei a wotowan, te a abi sutifasi, ku te a lo’ u da sëmbë soni. Hii dee fasi aki Jehovah abi (Ëki 34:6; Tja 14:17). A ta haika i te i ta begi ën. A ta heepi i te i abi ën fanöudu (Ps 18:19, 35). A ta da i paadon te i mbei wan föutu (1Jo 1:9). Jehovah da wan gaan bunu mati seei!

Unfa i sa ko dë wan mati u Jehovah? I musu ta lesi di Bëibel fii ko sabi soni fëën. I musu ta futoou ën (Ps 62:8; 142:2). I musu ta lei taa i ta tei dee soni di dë fanöudu da Jehovah u bigi. Soni kuma di Womi Mii fëën, di Könuköndë fëën, ku dee soni dee a paamusi u da di ten di ta ko. I musu ta konda soni fëën da wotowan (Det 32:3). Ee i ko dë gaan mati ku Jehovah, nöö a o dë i Mati u teego.​—Ps 73:25, 26, 28.

LUKU DI FËLÖN „UN DEE NJÖNKUWAN, UN TESI, NÖÖ WOON SI TAA JEHOVAH BUNU”, BAKA DI DË, NÖÖ PIKI DEE HAKISI AKI:

• 

  Unfa i sa tei seeka u buta i libi a Jehovah maun, söseei u dopu?

• 

  Unfa dee woto baaa ku sisa a di kemeente sa heepi i fii dini Jehovah?

• 

  Unfa di peleikiwooko ta heepi i fii ku Jehovah ko dë gaan mati?

• 

  Andi da wantu wooko di i sa du da Jehovah?

• Andi i lobi u Jehovah?