Da Jehovah di möön bunu soni di i abi

5:5-7, 11

Di pooti di dee Isaëli sëmbë bi pooti an bi ta tapa de u de an tja soni go da Gadu. Dee möön pooti Isaëli sëmbë seei bi sa da Jehovah wan soni solanga a bi dë di möön bunu soni di de bi abi. De bi sa tja boon go da Jehovah, ma a bi musu dë di möön „fini” wojo boon, di wan di de bi ta tei baka soni da sëmbë di bi ko luku de (Ke 18:6). A di ten aki, Jehovah ta feni hii dee soni dee u ta du u tja „gafa” ko dëën u bunu, aluwasi wa sa du hia u di di fasi fa libi fuu dë an ta da u pasi.​—Heb 13:15.

Unfa di soni aki sa da i degihati ee ja sa du hii dee soni dee i bi ta du fosu, u di di gösöntu fii an ta da i pasi möön?