DEE GUDU DEE DË A DI WÖUTU U GADU

Jehovah ta seeka dee sëmbë fëën

[Pëë di fëlön Wantu soni u di buku Nöbu.]

Dee Isaëli sëmbë bi musu seti dee kampu u de a di kamian ka di lö u de bi feni, a wan u dee kulupu u dee dii lö (Nöb 1:52, 53; w94-SR 1/12 bld. 12 pal. 4)

Di kampu u dee Isaeli sëmbë bi sa abi söwan 3.000.000 sëmbë nasö möön hia (Nöb 2:32, 33; it-2-O bld. 24 pal. 1)

Jehovah an kë u dee sëmbë fëën ta dini ën a wan fanjanfanjan fasi. Sö a bi dë a di ten u dee Isaëli sëmbë, nöö sö a dë a di ten fuu aki tu.—1Ko 14:33, 40.

Di fasi fa di kampu u dee Isaëli sëmbë bi seti. Di tenti u Gadu dë leti mindi. Dee famii u di lö u Levi dë zuntu ku di tenti u Gadu: Di famii u Alon dë a di së u sonu kumutu, dee Kohati sëmbë dë a di së u libasë, dee Geson sëmbë dë a di së u sonu go, ku dee Melali sëmbë dë a di së u Bausë. Dee 12 lö u Isaëli bi dë a möön longi. A di së u sonu kumutu i abi di lö u Isakali, Juda, ku Zebulon. A di së u libasë i abi di lö u Gati, Lubëni, ku Simion. A di së u sonu go i abi di lö u Benjamin, Efalahim, ku Manase. A di së u Bausë i abidi lö u Nafutali, Dan, ku Asë.

HAKISI ISEEI DI SONI AKI: ’Unfa mi sa lei taa mi ta heepi di ölganisaasi u Jehovah ku hii mi hati?’