Jehovah ta sitaafu wan sëmbë u di a lobi ën

Te de ta sitaafu wan sëmbë, nöö na lei nöö de ta lei ën soni, ma de ta leti ën buta a pasi tu, söseei de ta bai ën a soni. Jehovah ta bai u a soni u di a kë fuu dini ën a di fasi di ta kai ku ën (Lo 12:1; Heb 12:10, 11). So juu a sa hati i te de bai i a wan soni, ma bakaten a ta heepi i fii libi a wan leti fasi, söseei a ta mbei i feni gaan bunu (Nön 10:7). Andi dee sëmbë dee ta bai wotowan a soni ku dee sëmbë di de ta bai a soni musu hoi a pakisei?

Di sëmbë di ta bai wotowan a soni. Dee gaanwomi, dee mama ku dee tata, ku woto sëmbë ta mbei möiti u bai sëmbë a soni a wan sutifasi, söseei ku lobi kumafa Jehovah ta du ën (Jel 46: 28). Aluwasi i bi o bë wojo da wan sëmbë u di a du wan gaan soni, tökuseei i musu du ën a wan lobihati fasi, söseei a musu fiti di soni di di sëmbë du.​—Tit 1:13

Di sëmbë di de ta bai a soni. Aluwasi na un fasi de bë wojo da u, tökuseei wa musu niinga u tei di lai di de da u, nöö u musu pooba u du di soni di de piki u wantewante (Nön 3:11, 12). U di u da zöndu libisëmbë, mbei a dë fanöudu taa ten na ten de musu ta bai u a soni, nöö a sa pasa a peipei fasi. A sa dë a dee soni dee u ta lesi a di Bëibel nasö dee soni dee u ta jei a dee komakandi. Nasö so juu a sa pasa taa wan sëmbë musu go a wan kuutu komte. Ee u tooka di soni di de bai u nëën, nöö a sa mbei u feni libi.​—Nön 10:17.

LUKU DI FËLÖN DI SËMBË DI JEHOVAH „LOBI, HËN WË A TA SITAAFU”, NÖÖ BAKA DI DË, PIKI DEE HAKISI AKI:

• 

  Unfa de bi kiija Canon, nöö unfa di libi fëën bi ko tooka?

• 

  Nöö unfa Jehovah bi sitaafu ën a wan lobihati fasi?

• 

  Andi u ta lei u di soni di bi miti ën?