Libi ku dee gaan mujëë kuma de da i mama, söseei libi ku dee njönku mujëë kuma de da i sisa

Di Bëibel ta piki u taa u musu ta libi ku dee Keesitu sëmbë dee ko gaandi kaa kuma de da u mama ku u tata, söseei ku dee njönkuwan kuma de da u sisa ku u baaa. (Lesi 1 Timoteo 5:1, 2.) Möönmöön dee baaa musu libi ku dee sisa a wan fasi di ta lei taa de ta lesipeki de.

Nöiti wan baaa musu pëë ku wan sisa fii nasö du wan soni di o mbei di sisa an ta kë ko zuntu fëën möön (Jöpu 31:1). Wan baaa di an tööu an o ta pëë ku dee fii u wan sisa di an tööu. An o mbei di sisa ko ta pakisei kuma a këën, hii fa an këën.

A wan suti fasi dee gaanwomi musu buta pakisei a wan soni di dee sisa hakisi de a wan lesipeki fasi nasö te dee sisa piki de wan soni di de musu buta pakisei nëën. Dee gaanwomi musu buta pakisei möönmöön a dee sisa dee an abi manu u heepi de.​—Luti 2:8, 9.

LUKU DI FËLÖN LEI HII JUU TAA I LOBI DEE BAAA KU DEE SISA FII​—DEE MUJËË DEE MANU U DE DËDË KU DEE MII DEE AN ABI TATA, NÖÖ BAKA DI DË, PIKI DEE HAKISI AKI:

• 

  Unfa dee baaa ku dee sisa u di kemeente bi lei taa de lobi Sisa Myint?

• 

  Unfa di lobi di dee baaa ku dee sisa bi lobi deseei bi dë wan bunu kotoigi da dee woto sëmbë u di köndë?

• 

  Andi di lobi di dee baaa ku dee sisa u di kemeente bi abi, bi du ku dee mujëë mii u Sisa Myint?

Andi da wantu fasi fa i sa lei taa i lobi dee sisa u di kemeente fii?