I musu ta mbei möiti hii juu fii ta wooko ku i fusutan fii ta sabi andi da bunu ku hogi

Wan sëmbë di ta fia kule, musu ta lei u ta kule hii juu ee a kë fika ta kule bumbuu. Sö nöö a dë ku u tu taa hii juu u musu ta mbei möiti fuu ta lei u ta wooko ku u fusutan fuu sa sabi andi da bunu ku hogi (Heb 5:14). So juu a sa pasa taa u ta kë du kumafa wotowan ta du, ma u musu lei u wooko ku u fusutan fuu sa pakisei fundu unfa u sa du soni, nöö u taki da useei andi woo du. Faandi mbei di soni aki dë fanöudu? U di hiniwan fuu abi u tja faantiwöutu u dee soni dee u du.​—Lo 14:12.

Wa musu mëni taa u di u dopu sömëni jaa, nöö woo sa du soni a wan bunu fasi. Ee u kë du bunu soni, nöö u musu ta buta futoou a Jehovah, a di Wöutu fëën, söseei a di ölganisaasi fëën.​—Jos 1:7, 8; Nön 3:5, 6; Mat 24:45.

LUKU DI FËLÖN „I MUSU ABI WAN LIMBO HÁTI”, NÖÖ BAKA DI DË, PIKI DEE HAKISI AKI:

• 

  Andi Emma bi musu luku ee a o du?

• 

  Faandi mbei u musu köni u na taki unfa u ta pakisei, te a nama ku soni ka hiniwan sëmbë musu taki da hënseei andi a o du?

• 

  Un lai wan baaa ku hën mujëe bi da Emma?

• 

  Naasë Emma bi feni lai di bi heepi ën ku di bookohedi fëën?