Unfa sisa sa du möön a di kemeente?

Dee sisa ta heepi u seei ku di wooko di nama ku di Könuköndë (Ps 68:11). De ta lei sömëni sëmbë soni u Bëibel. Nöö de ta du di kowoonu pioniliwooko möön gaanfa. Dusudusu sisa ta wooko taanga seei. De ta wooko a Bëtëli, de ta du di sëndëlengi wooko, de ta heepi u mbei Könuköndë zali ku woto kamian ka u ta dini Gadu, söseei de ta puu buku ko a woto töngö tu. Dee sisa dee taanga a di biibi, ta taanga dee sëmbë u de wosudendu, söseei dee sëmbë u di kemeente (Nön 14:1). Hii fa sisa an sa dë gaanwomi nasö dinai, tökuseei de sa buta sömëni soni di de sa du a di kemeente. Ee i da wan sisa, nöö andi da wantu maaka di i sa buta da iseei a di kemeente?

• I sa mbei möiti u ko abi dee fasi di Keesitu sëmbë musu abi.​—1Ti 3:11; 1Pe 3:3-6

• I sa heepi dee woto sisa a di kemeente dee an taanga a di biibi sö jeti.​—Tit 2:3-5

• I sa mbei möiti u ko ta du di peleikiwooko möön bunu, söseei fii ko ta du ën möön hia

• I sa lei wan woto töngö

• I sa go heepi ka möön peleikima dë fanöudu

• I sa fuu di pampia u go wooko a Bëtëli nasö u go heepi mbei kamian di nama ku di dini u Gadu

• I sa fuu di pampia u go a di Siköö da Könuköndë Peleikima

LUKU DI FËLÖN „DEE MUJËË SËMBË DEE TA WOOKO TAANGA DA MASA,” NÖÖ BAKA DI DË, PIKI DI HAKISI AKI:

• Unfa dee soni di hiniwan u dee sisa bi taki a di fëlön da i taanga?