Soni di u sa lei a di libi u Samuëli

Samuëli bi hoi hënseei a Jehovah hii ën libi longi. Di a bi möön njönku, nöö an bi kë ko dë kuma dee womi mii u Eli, Hofini ku Pinaasi, dee bi ta tja deseei a wan fanafiti fasi (1Sa 2:22-26). Samuëli bi ko bigi, nöö Jehovah bi dë ku ën jeti (1Sa 3:19). Di a bi ko gaandi seei a bi ta dini Jehovah go dou, hii fa dee womi mii fëën an bi ta dini Jehovah.​—1Sa 8:1-5.

Andi u sa lei a di woto u Samuëli? Ee i da wan njönkuwan, nöö i sa dë seiki taa Jehovah sabi un bookohedi i abi, söseei a sabi unfa i ta fii. A sa heepi i fii ko abi degihati (Jes 41:10, 13). Ee i da wan mama ku wan tata di abi miii di an ta dini Jehovah, nöö i sa feni kötöhati a di woto u Samuëli. An bi duwengi dee womi mii fëën u de hoi deseei a dee wëti u Jehovah. A bi disa hii soni a Jehovah maun, nöö a bi hoi hënseei a Jehovah, söseei a bi ta du soni di bi ta kai ku di Tata fëën a liba ala. Kandë di bunu fasi fa i ta tja iseei sa mbei dee mii fii toona ko dini Jehovah baka.

LUKU DI FËLÖN LEI WAN SONI A DE​—SAMUËLI, NÖÖ BAKA DI DË, PIKI DEE HAKISI AKI:

• 

  Unfa Samuëli bi lei taa a abi degihati di a bi dë wan piki womi mii?

• 

  Unfa Danny bi lei taa a abi degihati?

• 

  Unfa Samuëli bi du soni a wan bunu fasi di a bi ko gaandi?

• 

  Unfa Danny mama ku ën tata bi du soni a wan bunu fasi?