Di pioniliwooko

U ta wooko ku di kaakiti fuu a wan bunu fasi, te u ta buta maaka u du möön soni a di dini u Jehovah (1Ko 9:26). U di di kaba u di goonliba aki zuntu, mbei dee maaka dee u ta buta sa heepi u fuu wooko ku di ten fuu a wan bunu fasi (Ef 5:15, 16). Te un ta hoi di Wosudendu Dini fuunu, nöö un sa taki un maaka un sa buta da di diniwooko jaa di ta ko. I sa feni woto a di komakandi-buku aki di ta taki u tookatooka maaka di i sa buta da iseei. Nöö i sa begi Jehovah faa heepi i fii sa dou dee maaka dë.​—Jak 1:5.

Boo taa hii sëmbë u wan wosudendu sa wooko makandi u heepi wan sëmbë u di wosudendu u du di kowoonu pioniliwooko. Ee ja kaba dë seiki andi i musu du u sa dou dee juu, nöö i sa fan ku wantu pionili di bi abi di seei bookohedi kuma i (Nön 15:22). Kandë i sa buta hakisi da wan baaa nasö wan sisa di ta du di pioniliwooko te un ta du di wosudendu dini fuunu. Baka di dë, mbei wan skeima da iseei. Ee i bi ta du di pioniliwooko a di ten di pasa, nöö pakisei luku ee i sa toona du ën baka.

Wan sëmbë dë a di wosudendu fii di sa du di heepi pioniliwooko wan liba nasö möön longi ö? Ee ja abi kaakiti so möön, tökuseei i sa du di heepi pioniliwooko, u di i sa ta peleiki pikisö hiniwan daka. Ee kandë ja ta abi ten u nango a di peleikiwooko a mindiwiki u di i ta wooko hii di wiki nasö kandë u di i nango a siköö, nöö kandë i sa du di heepi pioniliwooko a wan liba di abi wan fesa daka nasö a wan liba di abi feifi sata ku feifi sonde. Sikifi a wan kalëndë na un ten un sa du di heepi pioniliwooko, nöö seeka wan skeima.​—Nön 21:5.

LUKU DI FËLÖN I MUSU ABI DEGIHATI EE I DË WAN . . . PIONILI, NÖÖ BAKA DI DË, PIKI DEE HAKISI AKI:

• Andi di woto u Sisa Aamand ta lei u u di heepi di Jehovah ta heepi dee sëmbë dee ta disa soni u de sa du di pioniliwooko?