Andi da di möön bunu soni di sa heepi u fuu ko sabi andi da bunu ku hogi?

Soni ta tooka hesihesi seei a di goonliba aki. Ma unfa i sa sabi ee dee soni dee i ta du o mbei soni waka bunu da i? Unfa i sa sabi ee dee soni dee sëmbë ta taki taa bunu a di ten aki, an o tooka ko soni di an bunu amanjan?

Di Bëibel sa heepi u fuu du soni di an o mbei u bai sabisö. Faandi mbei u sa biibi di soni dë? Wë u di di Gadu di mbei u hën da u di Bëibel, nöö a sabi bumbuu andi sa heepi u fuu ta dë waiwai, söseei a sabi bumbuu andi sa heepi u u hogi an miti u.

U sa futoou dee köni lai dee dë a di Bëibel. „Hii juu u sa ta futoou dee wëti u Gadu, söseei u sa abi di biibi taa de o dë u teego”.​—Psalöm 111:8.

A bi o bunu seei fu iseei luku fa di Bëibel sa heepi i a di goonliba ka soni ta tooka hii juu aki!