Di lei di joo ta lei soni u Bëibel finifini o heepi fii dë kabakaba ta wakiti Masa Jesosi

Lesi Daniëli 9:1-19 fii ko sabi faandi mbei di lei di i musu ta lei soni u Bëibel finifini dë fanöudu.

Öndösuku hii di woto finifini. Andi ku andi bi pasa a di pisiten dë, nöö unfa dee soni dë bi ta mbei Daniëli fii? (Dan. 5:29–6:5) Unfa i bi o fii, ee i bi dë a Daniëli kamian?

Diki go möön fundu. Un „buku” Daniëli bi ta öndösuku? (Dan. 9:2; w11-SR 1/1 bld. 22 pal. 3) Faandi mbei Daniëli bi hakisi Gadu faa dëën ku dee Isaëli sëmbë paadon? (Leif. 26:39-42; 1 Kön. 8:46-50; dp-SR 182-184) Unfa di fasi fa Daniëli bi begi ta lei taa a bi ta öndösuku di wöutu u Gadu finifini?​—Dan. 9:11-13.

Kai pakisei a dee soni dee i lei. I sa hakisi iseei taa:

• ’Andi sa heepi mi u ma ta booko mi hedi, te mi ta jei dee soni dee ta pasa a goonliba?’ (Mik. 7:7)

• ’Un wini mi o feni te mi ta lei soni u Bëibel finifini kuma Daniëli?’ (w04 1/8 bld. 12 pal. 17)

• ’Un woto u Bëibel sa heepi mi u mi „ta dë setiseti” ta wakiti Masa Jesosi?’ (Mat. 24:42, 44; w12-SR 15/8 bld. 5 pal. 7-8)