Wooko ku di Bëibel kuma wan sipei

Apösutu Jakobosi bi tei di Bëibel maaka ku wan sipei di ta heepi u fuu ko si ambë u dë tuutuu (Jak. 1:22-25). Unfa u sa wooko ku di Bëibel kuma wan sipei?

Tei ten lesi ën bumbuu. Ee wa tei ten luku useei bumbuu a sipei, nöö a kan taa wa o si taa wan soni an dë bunu a u sinkii. Wë sö nöö ee u kë si andi u musu tooka a dee fasi dee u abi, nöö u musu tei ten lesi di Bëibel.

Na buta pakisei a soni di wotowan musu tooka. A a’ fa fii panjan wan sipei, nöö a kan taa i ta si soni di wotowan musu seeka a deseei. Sö nöö te u ta lesi di Bëibel, nöö a sa pasa taa u ta buta pakisei a soni di wotowan musu tooka. Ma di soni dë an o heepi u fuu tooka dee fuu soni dee u abi u tooka.

Na buta pakisei a dee föutu fii pasa maaka. Ee dee föutu fuu wanwan nöö u ta si te u ta luku useei a sipei, nöö di soni aki sa mbei u lasi hati. Te wa ta buta pakisei a dee föutu fuu poi te u ta lesi di Bëibel, nöö u ta lei taa wa ta suku fini a useei poi, ma u ta si useei kumafa Jehovah ta si u.​—Jak. 3:17.