Lei soni a dee peentje

Dee buku fuu abi sömëni peentje di ta lei u fanöudu soni. Unfa i sa feni wini u dee peentje aki?

• Luku hii dee peentje ufö i lesi di woto. Dee peentje sa mbei taa i kë lesi di woto. A o dë leti kumafa i ta kë njan wan suti njanjan „te i si” ën. Fëën mbei a bunu fii ta hakisi taa: ’Andi mi ta si?’​—Amös. 7:7, 8.

• Te i ta lesi di woto, nöö pakisei luku faandi mbei de buta dee peentje dë a di woto. Lesi dee pisi dee nama ku dee peentje, ku dee pisi „dee soni di dee peentje kë taki”. Pakisei luku unfa dee peentje nama ku di woto, nöö luku unfa i sa libi ku dee soni dee dë a dee peentje.

• Te i kaba lesi di woto, nöö toona luku dee peentje fii sa toona si andi da dee möön fanöudu pisi u di woto. Baka di dë, nöö i tapa i wojo, nöö i pooba u si dee peentje a i hedi, söseei pooba u mëni andi i bi lei a de.

• Kandë i sa toona luku dee peentje u Di Hei Wakitimawosu aki, nöö i luku ee i ta mëni jeti andi i bi lei a de.