Di libi ku di diniwooko fuu—Komakandi-buku—2025 | baimatu-liba

21-27 U BAIMATU-LIBA

NÖNGÖ 23

Kanda 97 ku begi | Soni di di fesima o taki a bigi u di komakandi (1 min.)

DEE GUDU DEE DË A DI WÖUTU U GADU

1. Wantu mama wëti u Bëibel di sa heepi wan sëmbë di kë bebe daan

(10 min.)

Ee joo bebe soni di abi daan a dendu, nöö na bebe hia poi (Nön 23:20, 21; lff woto 43 pisi 2)

Na fëëkëtë dee soni dee ta pasa ku wan sëmbë te a bëbë dööngö (Nön 23:29, 30, 33-35; w23.12 bld. 14 pal. 4)

Na mbei di djei di bebe ku daan a dendu djei kuma a suti ganjan i (Nön 23:31, 32)

Wan sisa dë sindosindo, nöö a ta luku wan bata ku daan a dendu.

2. Diki go möön fundu

(10 min.)

Nön 23:21—Te wan sëmbë fatu, hën da a ta njan pasa maaka nömönömö u? (w04-SR 1/11 bld. 31 pal. 2)

Di piki fii
Andi i lei a di lesipisi u Bëibel u di wiki aki?

Di piki fii

3. Lesipisi u Bëibel

(4 min.) Nön 23:1-24 (th woto 5)

MBEI MÖITI U KO TOON WAN MÖÖN BUNU PELEIKIMA

4. Fasi fa i sa bigi fan ku wan sëmbë

(2 min.) TE I TA PELEIKI A KAMIAN KA HIA SËMBË TA WAKA PASA. (lmd woto 3 pisi 5)

5. Gobaka

(5 min.) TE U GO PELEIKI A SËMBË PISI. Lei ën unfa u ta lei sëmbë soni u Bëibel. (lmd woto 9 pisi 5)

6. Heepi de u de ko dë bakama u Jesosi

(5 min.) Da di sëmbë di i ta lei soni u Bëibel degihati u di a ta biinga u disa wan soni di Jehovah an lobi. (lmd woto 12 pisi 4)

DI LIBI FUU KUMA KEESITU SËMBË

Kanda 35

7. Mi musu paati daan da sëmbë u, naa ma musu du ën?

(8 min.) Takimakandi.

Mi sa da dee sëmbë dee ko a mi bebe ku daan a dendu ö, kuma te mi o tööu ö? Hiniwan sëmbë musu taki da hënseei ee a o du ën nasö ee an o du ën. Ma i musu öndösuku soni a di Bëibel bunu u sabi andi joo du.

Tu sëmbë di ta seeka soni u tööu ta luku ee de o paati daan a di tööu u de. Wan Bëibel dë jabijabi a di tafa liba ku wan tablet ka de ta luku un win de o tei.

Pëë di FËLÖN Mi musu paati daan da sëmbë u? Baka di dë, buta dee hakisi aki da dee haikama:

Unfa dee tëkisi aki sa heepi wan sëmbë di kai woto sëmbë ko nëën pisi, faa sabi ee a sa da de bebe di dë ku daan?
- Jo 2:9—Jesosi bi mbei wata toon win a wan tööu.
  
  Di piki fii
- 1Ko 6:10—„Dööngöma . . . an o feni di Könuköndë u Gadu.”
  
  Di piki fii
- 1Ko 10:31, 32—„Ee woon njan wan soni, nasö ee woon bebe wan soni . . . , nöö un musu du ën fu Masa Gadu musu feni gafa a unu. Nöö hën mbei wan musu buta wan soni kuma wan sitonu a pasi da sëmbë fu de naki futu kai.”
  
  Di piki fii
Andi ku andi i musu hoi a pakisei te i kë da sëmbë soni di dë ku daan?

Di piki fii
Fuu sa du wan soni di bunu, nöö faandi mbei u musu sa’ u wegi soni luku fuu sabi un mama wëti u Bëibel ta fiti a wan soni di u kë du?—Lo 12:1; Pel 7:16-18

Di piki fii

8. Soni di di kemeente abi fanöudu

(7 min.)