Wooko ku di piki buku „San Gado wortu e leri wi”, u bigi fan ku wan sëmbë
1. Un njunjun buku u feni di sa heepi u a di peleikiwooko?
1 A di könklësi u 2014 u bi feni di piki buku „San Gado wortu e leri wi”. Unfa di piki buku aki sa heepi u u seeka da di peleikiwooko? Di piki buku aki abi hakisi di nama ku Bëibel, nöö a dee hakisi basu i abi tëkisi. A dë kuma di piki buku „Fa foe bigin èn go doro nanga bijbel takimakandra”, nöö a sa heepi u u bigi fan ku wan sëmbë.
2. Unfa u sa wooko ku di piki buku „San Gado wortu e leri wi” a di peleikiwooko?
2 I sa tei di u 8 hakisi, nöö i taa: „U ta pasa kölö sö a sëmbë u di pisiwata fuunu aki u di sömëni sëmbë ta hakisi deseei ee Gadu hën ta mbei Iibisëmbë ta pena [A so kamian a bi o möön bunu u lei di sëmbë di hakisi.] Unfa ii ta si ën? [Da di sëmbë pasi faa piki] Wë di Bëibel ta da wan bunu piki u di hakisi aki.” Lesi wan nasö möön tëkisi a di Bëibel fii, nöö taki u de. Ee i si taa di sëmbë kë sabi möön soni, nöö i sa lei ën hii dee 20 hakisi a bigi u di buku, nöö piki ën taa a sa taki undi u dee hakisi a bi o kë fuun luku te joo toona ko nëën. Nasö i sa dëën wan u dee buku dee u ta lei sëmbë soni di ta taki möön soni u di hakisi di a kë fuun luku.
3. Unfa u sa wooko ku di piki buku „San Gado wortu e leri wi” u bigi fan ku wan sëmbë te u ta peleiki a kamian ka sëmbë dë di an nango a keiki?
3 Di u 4 hakisi, di u 13 hakisi ku di u 17 hakisi sa heepi u te u ta peleiki a kamian ka sëmbë dë di an nango a keiki nasö di an ta biibi a Gadu. Kandë i sa lei di sëmbë woto 17, nöö i sa taki: „U nango kölö sö a hii sëmbë u di u kë heepi de u ko abi wan bunu wosudendu libi. I feni taa sömëni wosudendu ta miti fuka a di ten aki ö? [Da di sëmbë pasi faa piki.] Wë sömëni sëmbë di toou ta feni taa dee soni dee sikifi aki bunu seei: „Hiniwan mujëë musu lesipeki ën manu.” [An dë fii piki ën taa dee soni dee i ta taki sikifi a Efeise 5:33. Ee ku wan mujëë sëmbë i ta fan, nöö i sa taki u dee soni dee sikifi a Efeise 5:28.] I si kuma sëmbë o sa abi wan bunu toou libi ee de ta fiti di lai aki ö?”
4. Andi i sa du te i kaba fan ku wan sëmbë di an nango a keiki nasö di an ta biibi a Gadu?
4 Te i kaba fan ku wan sëmbë, nöö mbei wan buka ku ën u go dou ku di taki wan woto pasi. Kandë i sa mbei wan buka u taki u wan u dee woto tëkisi di nama ku di hakisi di un bi luku. Te i feni wan ten di fiti, nöö mbei di sëmbë ko sabi taa di woto di i bi da ku ën kumutu a Bëibel. Baka te i ku di sëmbë fan, söseei te i ko sabi fa a ta pakisei u Bëibel, nöö i sa dëën wan buku di i si taa o hai ën pakisei.—Luku dee soni dee sikifi a di Wi Kownukondre diniwroko u tuwalufumu-liba 2013.