Unfa u sa du di diniwooko fuu möön bunu​—Peleiki a kamian ka sëmbë ta wooko

Faandi mbei a dë fanöudu: U di sömëni sëmbë ta dë a wooko te latilati, mbei di möön bunu fasi u miti de u konda di bunu buka u di Könuköndë da de, hën da u go ka de ta wooko. A sa dë wan piizii soni u go peleiki a kamian ka sëmbë ta wooko, u di hii juu sëmbë ta dë a dee wooko kamian. Nöö kandë dee sëmbë dë sa kë haika di bunu buka. Boiti di dë, dee wookoma ta fan a wan lesipeki fasi ku sëmbë di de ta si kuma sa kë bai soni a de. Ee peleikima kë u sëmbë haika de, nöö de musu sa’ u wegi soni luku u sabi na un ten de sa go fan ku wan sëmbë, söseei de musu bisi a wan fasi di fiti (2 Kol. 6:3). Fëën mbei di diniwooko-gaanwomi musu ta luku un mëni pasi de o nango ta peleiki a dee kamian dë, söseei ambë de o ta manda go peleiki a dee kamian dë.