Di woto u di bumbuu böngö ku di taku sii

Jesosi bi konda di woto u di bumbuu böngö ku di taku sii u lei u unfa ku na un ten a bi o bigi tja dee salufuwan ko a wan. A bi bigi tja de ko a wan a di jaa 33 Ba.K.

13:24

„Wan sëmbë tei wan bumbuu njanjan böngö tja go jaa nëën goon”

• Di sëmbë di bi jaa dee sii: Jesosi Keesitu

• Di a bi jaa dee bumbuu böngö: Dee bakama u Jesosi salufu ku santa jeje

• Di goon: Hii libisëmbë

13:25

Di dee sëmbë bi ta duumi, hën wan felantima fëën go saapi a di goon, hën a go jaa di taku sii a di goon dendu’

• Di felantima: Didibi

• Di dee sëmbë bi ta duumi: Di dee Apösutu dëdë

13:30

„Be de tuu göö makandi te kuma di ten dou u koti di njanjan”

• Dee bumbuu njanjan böngö: Dee salufu Keesitu sëmbë

• Taku sii: Poipoi Keesitu sëmbë

„Koti dee taku wan tai a bondji . . . . Nöö go koti dee bumbuu wan awaa tja go lai a suwa”

• Dee sëmbë dee musu koti di njanjan: Dee ëngëli

• De ta koti dee taku sii dee göö, tai a bondji: De ta paati dee poipoi Keesitu sëmbë ku dee salufu Keesitu sëmbë

• De ta koti dee bumbuu wan tja go lai a suwa: De ta tja hii dee salufuwan ko makandi a di njunjun kemeente di bi toona seti

Unfa dee tuutuu Keesitu sëmbë bi tooka ku dee poipoi Keesitu sëmbë di di koti ten bi bigi?

Unfa mi ta feni wini te mi ta fusutan di woto aki möön bunu?