„Lesipeki i mama ku i tata”

Di Jesosi bi dë a goonliba, nöö a bi toona taki u di wëti di ta taki taa: „Lesipeki i mama ku i tata” (Ëki 20:12; Mt 15:4). Jesosi an bi ta fëëë u taki u di wëti aki, u di a bi ta lesipeki dee gaan sëmbë fëën di a bi möön njönku (Lu 2:51). A bi seeka soni sö taa sëmbë bi sa sölugu ën mama te a bi o dëdë.—Jo 19:26, 27.

Dee njönkuwan dee ta dini Jehovah a di ten aki ta lei taa de ta lesipeki dee gaan sëmbë u de, te de ta piki de buka, söseei te de ta fan a wan lesipeki fasi ku de. Di wëti di ta taki taa u musu lesipeki u mama ku u tata ta lei u taa hii juu u musu ta lesipeki de. Aluwasi de ko gaandi seei, tökuseei woo ta lei taa u ta lesipeki de, u di woo ta haika dee soni di de ta piki u (Nön 23:22). U ta lei taa u ta lesipeki de tu, te u ta sölugu de a hii futu (1Ti 5:8). Aluwasi u njönku nasö u gaandi, te u abi di guwenti u ta fan ku dee gaansëmbë fuu, nöö u ta lei taa u ta lesipeki de.

LUKU DI TEEKEN FËLÖN UNFA MI MUSU FAN KU DEE GAANSËMBË U MI? NÖÖ PIKI DEE HAKISI AKI:

• Andi sa mbei a ta taanga da i u fan ku dee gaan sëmbë fii?

• Unfa i sa lei taa i ta lesipeki dee gaansëmbë fii te i ta fan ku de?

  

• Faandi mbei a bunu fii ta fan ku dee gaansëmbë fii? (Nön 15:22)