KANDA 55
Na fëëë!
(Mateosi 10:28)
1. Boo ta pleikia hii dee köndë,
ta piki hii sëmbë taa
Jesosi toon Könu kaa,
nöö ao puu de a fuka.
A bi vinde Saatan puu a liba’ala
koa goonliba.
Wë abiti möön Didibi
an’o sa ganjan sëmbë möön.
(PIKI U DI KANDA)
Nöiti seei ja musu ta fëëë,
hii fa soni sa mitii.
Hii ten mio ta dë ta lukui,
kuma wan tata ku’ën mii.
2. Nöö ta mëni fai ta waka.
Hogidu ko hia tee.
Poipoi mati seei ko dë,
nööi musu köni ku de.
Sëmbëo ta ko feti kui,
ma ja musu bookoi hedi.
Eei ta hoi dee wëtiu mi,
nöö mi saanfa mio ta tjubii.
(PIKI U DI KANDA)
Nöiti seei ja musu ta fëëë,
hii fa soni sa mitii.
Hii ten mio ta dë ta lukui,
kuma wan tata ku’ën mii.
3. Na panta te hogi mitii,
hoi taa mio ta dë ai së.
Mio wekii koa libi tu
eea ko dë taa i dëdë.
Fëën mbei mi ta pikii
taa ja musu fëëë libisëmbë.
Eei hoi dou tea di kaba,
nöö joo feni di paka fëën!
(PIKI U DI KANDA)
Nöiti seei ja musu ta fëëë,
hii fa soni sa mitii.
Hii ten mio ta dë ta lukui,
kuma wan tata ku’ën mii.
(Söseei luku Deto. 32:10; Neh. 4:14; Ps. 59:1; 83:2, 3.)