WOTO 13

Lei sëmbë unfa de sa feni wini u dee soni dee i ta taki

Nöngö 3:21

DI SONI DI I MUSU DU: Heepi dee haikama u de ko fusutan unfa di soni di i ta konda sa heepi de a de libi, nöö piki de andi de musu du ku dee soni dee i lei de.

FA I MUSU DU ËN:

Pakisei dee haikama fii. Pakisei faandi mbei a dë fanöudu u dee haikama jei di soni di i kë konda da de, nöö pakisei un pisi u di woto joo konda da de u heepi de.
A hii di taki fii i musu lei dee haikama andi de musu du. Te i bigi wante ku di taki fii, nöö hiniwan u dee haikama musu sa taki taa: ’Di soni aki nama ku mi.’ Te i ta taki u hiniwan fanöudu pisi, nöö piki de unfa de musu du ën a de libi. Fan gbelingbelin u dee sëmbë fusutan di soni di i kë lei de.

Te i ta piki de unfa de musu du dee soni dee sikifi a di Bëibel, nöö du ën a wan suti fasi, söseei a wan fasi di ta lei taa i ta fusutan unfa de ta fii. Na mbei de fii kuma de du wan soni di an bunu, ma be de fusutan taa i dë seiki taa de lobi Jehovah, taa de ta biibi ën, söseei taa de o du dee soni di de ta lei.