WOTO 1

Dee soni dee joo taki a di bigi musu hai sëmbë pakisei

Tjabukama 17:22

DI SONI DI I MUSU DU: Dee soni dee joo taki a di bigi musu hai sëmbë pakisei, a musu mbei de sabi fuun woto joo taki, söseei de musu si faandi mbei a dë fanöudu.

FA I MUSU DU ËN:

Taki wan soni di o hai dee sëmbë pakisei. Buta wan hakisi da dee haikama, nasö konda wan woto da de, nasö wan soni di i bi jei a njunsu di o hai de pakisei.

Te i ta seeka iseei, nöö i musu pakisei a fesi andi dee sëmbë kë sabi, ku un soni de ta booko de hedi, nöö be dee soni dee joo taki a di bigi nama ku dee soni dë.
Be dee sëmbë sabi fuun soni joo taki. Dee soni dee joo taki a di bigi musu mbei dee haikama sabi fuun soni joo taki, söseei faandi mbei joo taki u di soni dë.
Be sëmbë si faandi mbei di woto di i ta konda dë fanöudu. Taki u soni di dee haikama abi fanöudu. De musu ko fusutan gbelingbelin unfa di woto di i ta konda sa heepi de a de libi.

Te i ta seeka wan taki, nöö hakisi iseei di soni aki: ’Andi ta miti dee baaa ku dee sisa u di kemeente u mi?’ Nöö hoi di soni dë a pakisei te joo luku andi joo taki a bigi u di taki fii.